SuperDizionari

di cariere loc.av.

In maniere improvise, svelte, in pôc timp

sinonims

subit, subite, daurman, di bot, di corse, di bote, a sec, a colp, a colp sec, di buride, tic e tac, bot e sclop, a la improvise, a bot e sclop, di bot e sclop, dal improvîs, a ruede lavade, di cariere vierte, di strade

esemplis

"nancje la man dal veterinari, rivât di cariere cul so biroç, no veve zovât a salvâ il vidiel"

gjavât fûr di "Îr e doman" di Gianni Gregoricchio

"Cjandit si butà di cariere jù pe rive"

gjavât fûr di "La gnot di Sant Cjandit" di Josef Cjargnel

di cariere loc.adi.inv.

[BF] Di plui elements, che a formin une serie cence interuzions

sinonims

di file, in rie, un daûr di chel altri

esemplis

"za agns, ai colonos che a vevin fat tresinte o cuatricent anadis di cariere sot un paron, simpri ta chê cjase, simpri sun chei cjamps, simpri ta chê stale ur àn vût dât une medaie di ricognossiment"

gjavât fûr di "I furlans e i parons" di Riedo Pup

di cariere loc.adi.inv., loc.av.

Che al fâs alc par profession, par lavôr paiât e cun prospetivis di cressi di mansions e di paie

esemplis

"vuê i socis de Ana a calin parcè che i militârs di cariere no son plui cussì tancj come chei di jeve"

gjavât fûr di "I Alpins sono furlans o talians?" di Walter Tomada

monolengâl